ესპანური გამოცემების ცნობით, ფლორენტინო პერესი 2021 წლის ზაფხულში აუცილებლად შეიძენს მილინკოვიჩ-სავიჩს, რომელსაც წელსაც ბრწყინვალე სეზონი აქვს და არაერთი გრანდის ყურაღებას იქცევს...

ამ ეტაპზე სამეფო კლუბთან ერთად, ფეხბურთელზე პრეტენზიას მანჩესტერ „იუნაიტედი“ და „პსჟ“ აცხადებენ. ფლორენტინო პერესი ხვდება, რომ პასიურობის შემთხვევაში მას კონკურენტი კლუბები შეთანხმებას დაასწრებენ.

სერგეის იმდენად დიდი პროგრესი აქვს, რომ მისი „ლაციოში“ დარჩენა გამორიცხულია. თავის მხრივ, პერესი მილინკოვიჩ-სავიჩს ლუკა მოდრიჩის იდეალურ შემცვლელად მიიჩნევს.

თავის მხრივ არაფერი აქვს საწინააღმდეგო ზინედინ ზიდანს, რომელსაც არაერთხელ დაუფიქსირებია საკუთარი სიმპატიები ზემოაღნიშნული ფეხბურთელის მიმართ.