ზინედინ ზიდანმა გუნდი კიდევ ერთხელ შეკრიბა და მორიგი სამწვრთნელო სესია გამართა. ეს იყო ბოლო ვარჯიში მადრიდში, ხვალ კი გუნდი ინგლისში უნდა გაემგზავროს.

დღევანდელ სესიაზე დიდი ყურადღება დაეთმო ბურთის ფლობის კომპონენტს, პრესინგს, მოკლე სივრცეში ზუსტ თამაშსა და კარში დარტყმებს.

ტრავმირებული ფეხბურთელების გარდა ზიზუს განკარგულებაში ყველა მოთამაშე იყო, გუნდთან ერთად ივარჯიშა რამდენიმე კასტილიელმაც.

დანიელ კარვახალი უფროდაუფრო უახლოვდება სასურველ კონდიციას, კოლექტივთან ერთად ვარჯიშობს ედენ აზარიც.
სერხიო რამოსის აღდგენითი პროცესი გრძელდება, მისი „ლივერპულთან“ გამოჩენა გამორიცხულია.