დასვენების დრო არის. გამომდინარე იქედან, რომ სამეფო კლუბს „ენფილდზე“ ვიზიტი მალე უწევს, ზიდანმა გუნდი არ დაასვენა და აღდგენითი ვარჯიში გამართა.

ფეხბურთელები, რომლებიც „ბარსელონასთან“ მატჩში სასტარტო შემადგენლობაში იყვნენ, დღეს აღდგენითი პროცესით დაკავდნენ, დანარჩენებმა კი 100%-იანი დატვირთვა მიიღეს.

დანიელ კარვახალი კვლავ ინდივიდუალური პროგრამით ვარჯიშობს, თუმცა დატვირთვებს იღებს. ჯერ-ჯერობით უცნობია, მოახერხებს თუ არა ესპანელი „ლივერპულთან“ თამაშს.

ვერ ივარჯიშეს ვასკესმა და ფედერიკო ვალვერდემ. ორივე მოთამაშემ „ელ კლასიკოში“ დაზიანება მიიღო.

სერხიო რამოსი აღდგენით კურსს აგრძელებს, კაპიტანი მოედანს ჯერ-ჯერობით ვერ უბრუნდება.

სესიაზე ზიდანმა დიდი ყურადღება დაუთმო ფიზიკური კონდიციების გაუმჯობესებას, პრესინგს, მოკლე სივრცეში ზუსტ თამაშსა და კარში დარტყმებს.

ხვალ „რეალი“ კიდევ ერთ სამწვრთნელო სესიას გამართავს.