მარსელო ვიეირამ „ელ კლასიკო“ შეაფასა და ერთ-ერთზე გასვლა დანანებით აღნიშნა.

„ეს იყო ბოლო წლების ერთ-ერთი ყველაზე საინტერესო „ელ კლასიკო“, ვინაიდან სატურნირო თვალსაზრისით ძალიან დიდი დატვირთვა ჰქონდა. როგორც „რეალის“, ასევე „ბარსელონას“ ფეხბურთელები მაქსიმალური მოტივაციით თამაშობდნენ და საბოლოო ჯამში შესანიშნავი ფეხბურთი შედგა.“

„ერთადერთი რამ, რასაც საოცრად ვნანობ ვერგამოყენებული მომენტია. სულ ცოტა დამაკლდა გოლის გატანამდე, რომელიც მატჩში საბოლოო წერტილს დასვამდა.“

„საბოლოო ჯამში თამამად შეიძლება ითქვას, რომ „ბლანკოსმა“ საშინაო არენაზე სწრაფი და ეფექტური ფეხბურთი ითამაშა, რამაც გუნდს აქტივში 3 ქულა ჩააწერინა.“

„წინ „ლივერპულთან“ მატჩია, სადაც უპირატესობა „რეალს“ აქვს, თუმცა უნდა აღინიშნოს, რომ 90 წუთში ბევრი რამის შეცვლაა შესაძლებელი, ამიტომ კლოპის გუნდის წინააღმდეგ მაქსიმალური ყურადღებით თამაში გვმართებს.“