ზინედინ ზიდანმა „ბარსელონასთან“ მატჩის შემდეგ პრესკონფერენცია გამართა.

„მატჩი შესანიშნავად დაიწყო და „რეალის“ უპირატესობით წარიმართა. როდესაც ანგარიში 2:0 იყო, მესამე გოლის გატანის არაერთი შანსი გვქონდა, რომელიც სამწუხაროდ ვერ გამოვიყენეთ. ამ შემთხვევაში ყველაფერი მარტივად იქნებოდა, თუმცა საბოლოო ჯამში მაინც მოვიგეთ და აქტივში 3 ქულა ჩავიწერეთ.“

„მსაჯის გადაწყვეტილებას აბსოლუტურად ვეთანხმეიბ. ეს იყო სრულიად განეიტრალებული მომენტი, სადაც არავითარ პენალტს არ ჰქონია ადგილი. მსგავს სიტუაციებში თერთმეტმეტრიანი ნამდვილად არ ინიშნება.“

„კუმანი ძალიან გაბრაზებული და აღშფოთებული იყო, რაც ბუნებრივიცაა, ეს მან მატჩის ბოლოსაც დააფიქსირა.“

„ბენზემამ საოცარი ფეხბურთი ითამაშა, ფრანგი იდეალური იყო ყველა რგოლში და მნიშვნელოვანი გოლის გატანაც შეძლო. იგივეს თქმა შემიძლია ვალვერდეზეც, ურუგვაელი ფეხბურთელი ძალიან ბევრს მოძრაობდა და კარგი თამაში ჩაატარა.“

„ყველანი ერთად ვართ და ვიაზრებთ იმ პასუხისმგებლობას, რომელიც გვაქვს. ბევრი ცვლილება განვახორციელე, მოედანზე ისკო, მარსელო, ოდრიოზოლა და მარიანო გამოჩნდნენ. ისინი ბოლომდე იხარჯებოდნენ.“

„უკვე 13 თამაშია არ წაგვიგია, რაც თავისთავად მნიშვნელოვანია. ასე სვლა უნდა განვაგრძოთ და მომდევნო მატჩებზე ვიფიქროთ, ვინაიდან ჯერ არაფერი მოგვიგია.“

„ნაჩეტე საოცარი ფიგურაა, მან ძალიან ბევრი იბრძოლა და „ბარსელონას“ შეტევების განეიტრალება შეძლო. ესპანელი ფეხბურთელის როლი სამეფო კლუბში უდიდესია.“