Cadena Ser დარწმუნებით იუწყება, რომ „პსჟ“-ს ხელმძღვანელობასა და მბაპეს შორის საბოლოო შეხვედრა შედგა, სადაც დადგინდა, რომ კილიანი გუნდს ტოვებს.

აღნიშნულ წყაროზე დაყრდნობით, ფრანგი ფეხბურთელი აგენტთან და მამასთან ერთად კლუბის სპორტულ დირექტორსა და რამდენიმე წარმომადგენელს შეხვდა.

მბაპემ ორი პირობა წააყენა. ან ზაფხულში უნდა წავიდეს „რეალში“, ან ახალ კონტრაქტს ხელს არ მოაწერს და 2022-ში უფასოდ შეუერთდება სამეფო კლუბს.

მსოფლიო ჩემპიონი პარიზული კლუბის მესვეურებს მოუწოდებს, რომ ზაფხულში მადრიდის „რეალს“ შეუთანხმდეს, რათა გუნდმა ფინანსური სარგებელი ნახოს.