მას შემდეგ, რაც კარიმ ბენზემამ „რეალის“ მაისური მოირგო, სამეფო კლუბი მერსისაიდელებს 3-ჯერ დაუპირისპირდა და ფრანგმაც ყველა მატჩში შეძლო გოლის გატანაც. მეტიც, ბენზემას ანგარიშზე ერთი დუბლიც ირიცხება.

პირველად კარიმი „ლივერპულს“ 2014/15 წლებში დაუპირისპირდა და ჯერ „ენფილდზე“ შეუსრულა დუბლი, ხოლო შემდეგ ბერნაბეუზე 1 გოლი გაუტანა.

ასევე ყველას კარგად ახსოვს „9“-იანის გოლი 2018 წლის ჩემპიონთა ლიგის ფინალში, სადაც კარიმმა „ლივერპულს“ პირველი გოლი გაუტანა და „ბლანკოსი“ დააწინაურა.

დღეს „ბლანკოსი“ საშინაო არენაზე „ლივერს“ მიიღებს, ბენზემა კი სასიამოვნო ტრადიციის გაგრძელებას აპირებს.