ზინედინ ზიდანმა „ლივერპულთან“ მატჩის წინ პრესკონფერენცია გამართა და საინტერესო საკითხები მიმოიხილა.

„იურგენ კლოპს ძალიან დიდ პატივს ვცემ და ვთვლი, რომ ის ერთ-ერთი საუკეთესო სპეციალისტია, ვის წინააღმდეგაც მიასპარეზია. მახსოვს ფინალი, რომელიც დაუვიწყარი იყო. ჩემი აზრით, იურგენი საკუთარ ფეხბურთელებს ბრწყინვალედ მოამზადებს.“

„სალაჰი არ არის „რეალის“ მოთამაშე, ის ჩვენი მოწინააღმდეგეა და არ ვაპირებ ტრანსფერებზე ან მსგავს რამეზე საუბარს.“

„„ლივერპული“ არის ძალიან ძლიერი და სოლიდური გუნდი, რომელმაც იცის, როგორ ითამაშოს ძლიერ მოწინააღმდეგეებთან. მე ძალიან რთულ ბრძოლას ველი, რომელიც 180 წუთი უშეღავათოდ გაგრძელდება.“

„დიახ, მერსისაიდელებს დაცვაში პრობლემები აქვთ, მაგრამ ამ მხრივ ჩვენც რთული სიტუაცია გვაქვს და ბევრი ლიდერი გვაკლია.“

„კარიმ ბენზემას ბრწყინვალე პარტნიორები ჰყავს. მჯერა, რომ ფრანგი „წითლებთან“ დიდ დახმარებას გაგვიწევს.“

„აზარი ეტაპობრივად დაბრუნდება. რისკები არ უნდა არსებობდეს, ვინაიდან ბელგიელი გადამწყვეტ დაპირისპირებებში ძალიან გვჭირდება.“

„მე ვფიქრობ, რომ გუნდი ნდობას იმსახურებს, ჩვენ 1/4 ფინალში ვართ და ნებისმიერ მეტოქესთან ბოლომდე ვიბრძოლებთ. თუ ვინმეს ფავორიტი „ლივერპული“ ჰგონია, ჩვენ საპირისპიროს დავუმტკიცებთ.“

„რასაც ახლა გეტყვით, კარგად დაიმახსოვრეთ. „რეალი“ „ლივერპულთან“ სეზონის გადამწყვეტ მატჩს ითამაშებს.“