რაფაელ ბენიტესმა „რეალისა“ და „ლივერპულის“ დაპირისპირებასთან დაკავშირებით საინტერესო კომენტარი გააკეთა.

„ვფიქრობ, პრემიერლიგა საკუთარ სიმაღლეს დაუბრუნდა და კვლავ საუკეთესო ლიგად ითვლება. გარკვეული დროის მანძილზე ესპანეთის ლა ლიგას აბსოლუტური დომინაცია ჰქონდა და ინგლისში მცირე ჩავარდნა იყო, მაგრამ ახლანდელი კონკურენცია პიკს აღწევს. ბრიტანული ფეხბურთი ყოველთვის მიმზიდველი იყო, მაგრამ ახლა მართლაც საუკეთესოა და ალბათ ამაზე დავა არ ღირს.“

„„რეალსა“ და „ლივერპულს“ შორის ჩემთვის რჩეული და ფავორიტი არ არსებობს. ორივე კარგი გუნდია. თუ მადრიდელებს ინგლისური ბარიერის გადალახვა სურთ, კლოპის შეტევა უნდა გაანეიტრალონ, სხვა შემთხვევაში ამოცანა ურთულესი გახდება.“

„კარგად მახსოვს „რეალთან“ მოგებული 0-1 ბერნაბეუზე და შემდეგ 4-0 ენფილდზე. მაშინ „ლივერპული“ სამეფო კლუბს ბევრად აღემატებოდა, თუმცა ახლა რადიკალურად განსხვავებული სიტუაციაა და შედარება უაზრობა იქნება. დღევანდელ დღეს კლოპისა და ზიდანის გუნდის შანსებს თანაბრად ვაფასებ.“

„რამოსი შესანიშნავი ფეხბურთელია და ვთვლი, რომ ის კიდევ დიდხანს ითამაშებს. რაც შეეხება კონტრაქტს ფეხბურთელსა და კლუბს შორის, ეს მათი გადასაწყვეტია.“ „