ტომას რონსერო მომავალს ოპტიმისტურად უყურებს და თვლის, რომ უდიდესი პრობლემების მიუხედავად, რომელიც ტრავმირებულ ფეხბურთელებს უკავშირდება, ზინედინ ზიდანის გუნდი სეზონის გადამწყვეტ მომენტს დიდებულ ფორმაში ხვდება.

„ზიდანმა მასშტაბური სამუშაო გასწია, ტაქტიკაც შეცვალა და იდეალური თამაში იპოვა. „რეალი“ სწორედ ისეთ ფეხბურთს თამაშობს, როგორსაც ქომაგები იმსახურებენ. დიახ, „ეიბართან“ უამრავი მომენტი და გოლი ვიხილეთ, „ბლანკოსი“ აგრესიული იყო და მრავალფეროვან შეტევებს ახორციელებდა, რაც სწორედ ტაქტიკის ცვლილებამ განაპირობა.“

„ვფიქრობ, სამეფო კლუბს შეუძლია, როგორც „ლივერპულის“, ასევე „ბარსელონას“ ბარიერის დაძლევა და ორივე ფრონტზე ჩემპიონობისთვის ბრძოლის გაგრძელება.“

„წინა ხაზში ასენსიოსა და ბენზემას მოქმედებები დასაფასებელია. აუცილებლად უნდა აღინიშნოს ვინისიუსის პროგრესიც, რომელიც ძალიან სწრაფი და ენერგიულია, ის მეორე ტაიმში დიდი ეფექტურობით გამოირჩევა ხოლმე, ვინაიდან დაღლილ მეტოქეებს თავბრუს ახვევს.“

„ვინიმ მოიხსნა კომპლექსტი და დისბალანსი, ის პროდუქტიულად თამაშობს და კარიმ ბენზემას არნახულ დახმარებას უწევს.“