ნაჩო ფერნანდესისთვის „ეიბართან“ დაპირისპირება საიუბილეო გამოდგა. ესპანელმა ფეხბურთელმა მადრიდის „რეალის“ მაისური ლა ლიგაში 150-ედ მოირგო.

ფლორენტინო პერესმა მატჩის დასრულების შემდეგ ნაჩოს სპეციალური მაისური უსახსოვრა, რომელიც მისი შედეგის დემონსტრირებას ახდენს. ფეხბურთელი, რომლის დებიუტიც „მესტალიაზე“ 2011 წელს შედგა, უკვე 150 მატჩს მოითვლის, სადაც 105 გამარჯვებას და 7 გატანილ გოლს აფიქსირებს.

ჩატარებული თამაშების მხრივ საუკეთესო სეზონი ნაჩომ 2016/17 წლებში დააფიქსირა, როდესაც 28-ჯერ გამოჩნდა მოედანზე.

მიმდინარე სეზონში ფერნანდესის ანგარიშზე უკვე 16 თამაშია, საიდანაც 11 მოიგო, 3 ფრედ დაასრულა და 2 წააგო.