მაშ ასე, სანაკრებო ბატალიები დასრულებულია და ესპანეთის ლა ლიგა გადამწყვეტ ფაზაში შედის.

სულ რაღაც 10 ტურის შემდეგ, ქომაგებს ლა ლიგის გამარჯვებულის ვინაობა ეცოდინებათ. ჩემპიონატის ფავორიტი „ატლეტიკოა“, რომელსაც 66 ქულა აქვს და 4 ქულით აღემატება „ბარსელონას“, ხოლო 6 ქულით „რეალს“.

თავის მხრივ, ძალიან ბევრ რამეს გადაწყვეტს 10 აპრილს გასამართი „ელ კლასიკო“ და 9 მაისს გასამართი „ბარსა“-„ატლეტიკოს“ დაპირისპირება.

ზიდანის გუნდი „ეიბართან“ დაპირისპირებას ხვალ გამართავს და მორიგი 3 ქულის მოპოვებას შეეცდება.