ესპანური გამოცემების ცნობით, ლუკა მოდრიჩი მადრიდის „რეალის“ პრეზიდენტისგან ნამდვილად სამაგალითო და მისაბაძ გადაწყვეტილებას მიიღებს.

კარიერის დასრულების შემდეგ, ხორვატ ფეხბურთელს მაშინვე შეეძლება სამეფო კლუბში დასაქმება. პირველ ეტაპზე ოქროს ბურთის 2018 წლის გამარჯვებული კლუბის ელჩის სტატუსს მოირგებს, ის გახდება „ბლანკოსის“ წარმომადგენელი სხვადასხვა ქვეყანაში და ტალანტების აღმოჩენითაც დაკავდება.

ფლორენტინო პერესი ამ ნაბიჯით დიდ პატივისცემას გამოხატავს ნახევარმცველის მიმართ და „რეალისთვის“ გაწეულ ღვაწლს უფასებს.

ამასთანავე ცნობილი ხდება, რომ ლუკიტა „მერენგებთან“ 1 წლიან კონტრაქტს აუცილებლად მოაწერს ხელს და „რეალი“ მის გაშვებას ამ ზაფხულს არ გეგმავს.

ამ ეტაპზე ფეხბურთელი მადრიდში იმყოფება, მან ხორვატიის ნაკრებში ჩატარებული 2 მატჩის შემდეგ ესპანეთისკენ აიღო გეზი და დალიჩის გუნდს მესამე პაექრობაში აღარ დაეხმარება.