როგორც სჩანს, ზინედინ ზიდანი კრიშტიანო რონალდუს სამეფო კლუბის რიგებში დაბრუნებას მიესალმება, მაგრამ გუნდის პრეზიდენტს განსხვავებული პოზიცია აქვს.

ზინედინის აზრით, რონალდუს დაბრუნება არ გაუჭირდება და ესპანეთის ჩემპიონატს კვლავ მარტივად აუღებს ალღოს, ვინაიდან არნახულ გამოცდილებას ფლობს. ფრანგი სპეციალისტი პორტუგალიელის დაბრუნებას მიესალმება.

ანალოგიური პოზიცია არ გააჩნია ფლორენტინო პერესს, რომელიც თვლის, რომ „რეალმა“ აქცენტი ახალგაზრდა ვარსკვლავებზე უნდა გააკეთოს და რონალდუ უკვე წარსულია. პრეზიდენტის აზრით, რონალდუსთან თანამშრომლობა გუნდისთვის დიდი ფინანსური რესურსის გაღებასთან იქნება დაკავშირებული, რაც ჯობია ახალგაზრდებისკენ მიემართოს, ვიდრე კრიშტიანოსკენ.

იტალიური გამოცემები არაერთ ინფორმაციას ავრცელებენ, რომლის მიხედვითაც, კრიშტიანო „ბლანკოსში“ დაბრუნების საკითხს იმედის თვალით უყურებს, მაგამ თავად „რეალი“ ჯერ-ჯერობით ვერ ჩამოყალიბდა.