სამეფო კლუბში შესანიშნავი ამბებია. ჩემპიონთა ლიგის ძალიან მნიშვნელოვანი მატჩებისა და „ელ კლასიკოს“ წინ ზინედინ ზიდანი გუნდის საბრძოლო შემადგენლობის ჩამოყალიბებას შეძლებს.

დანიელ კარვახალი ბრუნდება. გავრცელებული ინფორმაციის მიხედვით, ექიმებმა ზინედინ ზიდანს აცნობეს, რომ კარვახალს „ეიბართან“ მატჩშიც შეუძლია მონაწილეობის მიღება, თუმცა მისთვის რეკომენდირებული 45-60 წუთი იქნება.

რაც შეეხება „ლივერპულთან“ დაპირისპირებებს და „ელ კლასიკოს“. ამ უმნიშვნელოვანეს მატჩებში დანის მოედანზე 90 წუთის გატარებაც შეეძლება.

ზინედინ ზიდანი რამდენიმე თვის მანძილზე ვერ ახერხებდა დაცვის ხაზის ნორმალურად დაკომპლექტებას, ვინაიდან მარჯვენა ფლანგზე მუდმივად პრობლემა ჰქონდა, ახლა კი ყველაფერი შეიცვლება.