ნაჩო ფერნანდესს სამეფო კლუბთან კონტრაქტი 2022 წლის 30 ივნისს ეწურება, მაგრამ ფლორენტინო პერესმა უკვე დაიწყო მუშაობა მის ახალ ხელშეკრულებაზე.

ესპანელი ფეხბურთელის მიზანი კვლავ „რეალში“ დარჩენაა და არ არის გამორიცხული, მიმდინარე სეზონის ბოლოს ახალ კონტრაქტს მოაწეროს ხელი, რომელიც მის „ბლანკოსში“ ყოფნას 2024 წლის 30 ივნისამდე გაითვალისწინებს.

„ას“-ის ინფორმაციით, შეთანხმების შემთხვევაში ფერნანდესს ხელფასის 10%-ით შემცირებაზე მოუწევს თანხმობა.