კარიმ ბენზემამ ესპანეთის ლა ლიგაში ისტორიული შედეგი დააფიქსირა და ლეგენდარულ სანტილიანას გაუთანაბრდა.

კარიმის ანგარიშზე მხოლოდ ლა ლიგაში უკვე 186 გოლია. სწორედ ანალოგიური შედეგი ჰქონდა სანტილიანას. ეჭვი არავის ეპარება, რომ „9“-იანი ამ შედეგს გააუმჯობესებს, თანაც მნიშვნელოვნად.

ისტორიაში ბენზემაზე მეტი გოლი მხოლოდ კრიშტიანო რონალდუს (312 გოლი), რაულ გონსალესს (228 გოლი) და დი სტეფანოს (216 გოლი) აქვთ.

იმისათვის, რომ ბენზემა საუკეთესო ბომბარდირთა სამეულში მოხვდეს, 32 გოლის გატანაა საჭირო.