ნაჩო ფერნანდესმა „სელტასთან“ დაპირისპირება შეაფასა და განაცხადა, რომ „რეალი“ ლა ლიგის მოგებისთვის ბრძოლას განაგრძობს.

„„სელტასთან“ თამაში ყოველთვის დიდ სირთულეებთან არის დაკავშირებული, განსაკუთრებით ამის თქმა „ბალაიდოსზე“ შეიძლება. მადრიდის „რეალმა“ დიდებული მატჩი გამართა, სადაც წარმატების გასაღები გუნდური სულისკვეთება იყო. ამ გამარჯვებით მორიგი 3 ქულა ჩავიწერეთ აქტივში და ჩემპიონობისთვის ბრძოლას განვაგრძობთ.“

„არ ვიცი განმეორდება თუ არა შარშანდელი სცენარი, როდესაც ჩვენ 11 მატჩიდან 10 მოვიგეთ და საბოლოო ჯამში ჩემპიონები გავხდით, თუმცა თასის მოპოვების იმედს არ ვკარგავთ და გვჯერა წარმატების.“

„ახლა სანაკრებო პაუზაა, კლუბში დარჩენილი ფეხბურთელები კი დაისვენებენ და „ეიბართან“ დაპირისპირებისთვის დაიწყებენ მზადებას.“