მადრიდის „რეალის“ ფეხბურთელებმა ლა ლიგის მომდევნო ტურისთვის მზადება დაიწყეს, რომელიც „ბალაიდოსზე“, „სელტას“ წინააღმდეგ შედგება.

დასვენების დრო არ არის. მიუხედავად იმისა, რომ „ატალანტასთან“ დაპირისპირებამ დიდი ენერგია წაიღო, დღეს „ბლანკოსმა“ ვიგოში ვიზიტისთვის მზადება დაიწყო. სესიაზე მთავარმა მწვრთნელმა დიდი ყურადღება დაუთმო ფიზიკური კონდიციების გაუმჯობესებას, ბურთის ფლობას, კარში დარტყმებსა და მოკლე სივრცეში ზუსტ თამაშს.

ოდრიოზოლას და მარიანოს განსხვავებული პროგრამა აქვთ, კარვახალი და აზარი კი გუნდთან ერთად საერთოდ ვერ ვარჯიშობენ.

ხვალ „მერენგები“ კიდევ ერთ ვარჯიშს გამართავენ, „სელტასთან“ მატჩი კი 20 მარტს, თბილისის დროით 19:15 საათზე არის ჩანიშნული.