ესპანური გამოცემების ცნობით, მადრიდის „რეალის“ პრეზიდენტი, ფლორენტინო პერესი ედენ აზარის გაყიდვის პერსპექტივას განიხილავს, მაგრამ ზინედინ ზიდანს აღნიშნულ საკითხთან დაკავშირებით განსხვავებული პოზიცია აქვს.

ფრანგი სპეციალისტი ფლორენტინოს მოუწოდებს, რომ აზარს შანსი მისცეს. თუ მთავარ მწვრთნელად ზიზუ დარჩება, ის ბელგიელის გაყიდვას შეეწინააღმდეგება, ვინაიდან თვლის, რომ წინახაზელი მაინც გაიბრწყინებს.

პერესის აზრით, თუ ზაფხულში ედენი არ გაიყიდება, ამის შემდეგ მისი გაყიდვა უკვე დიდ პრობლემებთან იქნება დაკავშირებული და „ბლანკოსი“ დიდ ფინანსურ ზარალს ნახავს.