მადრიდის „რეალის“ ფეხბურთელებმა ჩემპიონთა ლიგის დაპირისპირებისთვის მზადება დაიწყეს, რომელიც 16 მარტს, თბილისის დროით 23:55 საათზე გაიმართება.

სესიაზე ოდრიოზოლას და მარიანოს განსხვავებული პროგრამა ჰქონდათ, კარვახალი კი აღდგენით პროცესს განაგრძობს. სხვა ფეხბურთელებმა მთავარი მწვრთნელის დავალებება სრულფასოვნად შეასრულეს.

ვარჯიში გახურებითა და ფიზიკური კონდიციების გაუმჯობესებით დაიწყო, შემდეგ კი მთავარმა მწვრთნელმა ყურადღება ტაქტიკურ მონახაზებს, ბურთის ფლობის კომპონენტსა და კარში დარტყმებს დაუთმო.

„ატალანტასთან“ მატჩამდე კოლექტივი კიდევ ერთ ვარჯიშს გამართავს.