ესპანური გამოცემების ცნობით, ზინედინ ზიდანი რაფაელ ვარანთან შეხვედრას და პირისპირ საუბარს გეგმავს. ფრანგ ლეგენდას აინტერესებს, რითი არ არის კმაყოფილი „ბლანკოსის“ უკანახაზელი.

ვარანი „ბლანკოსში“ წლების წინ სწორედ ზინედინ ზიდანის რეკომენდაციით მივიდა, ახლა კი წასვლაზე ალაპარაკდა. ესპანური გამოცემები იუწყებიან, რომ მსოფლიო ჩემპიონმა ახალ კონტრაქტზე უარი თქვა, „რეალი“ კი იძულებულია ის გაყიდოს.

ზინედინ ზიდანი აპირებს, რომ რაფასთან ყველა დეტალი გაიაროს და ფეხბურთელს გარკვეული რჩევები მისცეს. თუ ეს შეხვედრა შედეგს არ გამოიღებს, ვარანის წასვლა გარდაუვალი იქნება.