„ხეტაფესთან“ ვერმოგებული მატჩის შემდეგ, მადრიდის „ატლეტიკოს“ მთავარმა მწვრთნელმა დიეგო სიმეონემ ჟურნალისტებთან ისაუბრა.

„ჩვენს უკან ორი მონსტრია. ურთულესი თამაშების ჩატარება მოგვიწევს, თუმცა უპირატესობა მაინც გვაქვს და გვჯერა, რომ ჩემპიონები გავხდებით. თითოეულ ტურს უდიდესი მნიშვნელობა უნდა მივანიჭოთ.“

„ლა ლიგა დასკვნით ეტაპზე გადადის. ვფიქრობ, უდიდესი მნიშვნელობა მიენიჭება „ელ კლასიკოს“ შედეგსა და ჩვენს მატჩს „ბარსელონას“ წინააღმდეგ, რომელიც სეზონის დასასრულისკენ არის დაგეგმილი.“

„საკმაოდ ღრმა შემადგენლობა გვყავს, რომელიც საშუალებას გვაძლევს, ყველგან და ყოველთვის ვიბრძოლოთ.“

„რონალდუ? ჭორებთან დაკავშირებით არანაირ ინფორმაციას არ ვფლობ. თუ პორტუგალიელი „რეალში“ მართლაც დაბრუნდება, ეს ჩემი საქმე არ არის.“