სერხიო რამოსის რეკორდულ დროში დაბრუნებას ვერავინ წარმოიდგენდა, მაგრამ დაუღალავი შრომითა და თავდადებით კაპიტანი მოედანს მალე დაუბრუნდება.

ესპანური გამოცემების ცნობით, სერხიო „ატალანტასთან“ მატჩში მონაწილეობას მიიღებს და მოედანზე 55-60 წუთის გატარების საშუალება მიეცემა.

მისი 90 წუთით გამოყენება რისკებთან არის დაკავშირებული, ამიტომ ზიზუ ამ ნაბიჯს არ გადადგამს.

„ას“-ის ცნობით, ჩემპიონთა ლიგის 1/8 ფინალის განმეორებით დაპირისპირებაში კაპიტანი ვარანს შეუწყვილდება, მეორე ტაიმში კი საქმეში ნაჩო ფერნანდესს ვიხილავთ.