ესპანური გამოცემები იუწყებიან, რომ ლა ლიგის ტოპ კლუბების რეგრესს მალე წერტილი დაესმება. კატალონიურ კლუბში სერიოზული ცვლილებებია, გუნდის სათავეში ლაპორტა მოვიდა, რომელიც საკმაოდ „ცხელ“ ზაფხულს პროგნოზირებს. თავის მხრივ სერიოზულ გააქტიურებას გეგმავს ფლორენტინო პერესი.

არაერთი პოპულარული გამოცემის ცნობით, „ბარსელონა“ მთავარ მწვრთნელს შეცვლის და რონალდ კუმანის ნაცვლად „ნოუ კამპის“ მკვიდრებს ჩავი ერნანდესი ჩაუდგება სათავეში.

მადრიდის „რეალში“ კი ზინედინ ზიდანის ნაცვლად იურგენ კლოპის კანდიდატურა სერიოზულად განიხილება. „ლივერპულში“ ღრმა კრიზისია, გუშინ კლუბმა კიდევ ერთი მატჩი წააგო და ჩემპიონთა ლიგის ოთხეულში მოხვედრაც კი სერიოზული კითხვნისნიშნის ქვეშ დააყენა. გარდა ამისა კლოპს სერიოზული დაპირისპირება აქვს მერსისაიდული კლუბის ლიდერებთან.

ესპანური გამოცემები მომდევნო სეზონისთვის სრულიად განსხვავებული „ბარსელონასა“ და „რეალის“ წარდგენას პროგნოზირებენ.