კაზემირო:„დიახ, გავბრაზდი, როდესაც მსაჯმა პენალტი არ დადო“
კაზემირომ მადრიდული დერბი შეაფასა. ბრაზილიელი ფეხბურთელი ოპტიმიზმს არ კარგავს და აცხადებს, რომ „რეალი“ ლა ლიგის მოგებისთვის ბოლომდე იბრძოლებს.
„პირველ ტაიმში მატჩს „ატლეტიკო“ აკონტროლებდა და ჩვენ ბევრი არაფერი გამოგვდიოდა, მეორე ნახევარში კი აბსოლუტურ უპირატესობას ვფლობდით და გაცილებით მეტის გაკეთება შეგვეძლო.“
„მსაჯის აზრს პატივი უნდა ვცეთ. მე გავბრაზდი, როდესაც გამეორების შემდეგ მან განსხვავებული გადაწყვეტილება მიიღო, ვინაიდან გოლის გატანაში ხელი აშკარად შემეშალა, თუმცა ახლა ვერაფერს შევცვლით, ამიტომ რადიკალური განცხადებების გაკეთებას არ ვაპირებ.“
„ჯერ კიდევ ბევრი ქულაა გასათამაშებელი. ჩვენ უნდა ვიმუშავოთ და წარმატებაზე ვიფიქროთ. მჯერა, რომ ბრძოლას ყოველთვის აქვს აზრი.“
„მომდევნო ტურზე უნდა გადავერთოთ და ვეცადოთ, რომ დანარჩენ ტურებში 100%-იანი შედეგები გვქონდეს.“
- 7 მარტი 2021
- 1 667
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
