დიეგო სიმეონემ მადრიდული დერბის შემდეგ ჟურნალისტებთან ისაუბრა და განაცხადა, რომ მის გუნდს რამდენიმე ძალიან კარგი მომენტი ჰქონდა, რომელიც გოლად უნდა ქცეულიყო.

„ჩვენ ბევრი მომენტი გვქონდა, განსაკუთრებიტ მეორე ტაიმში, მაგრამ ვერ გამოვიყენეთ. ვფიქრობ, სუარესს მეტი გოლის გატანა შეეძლო, მაგრამ ვერ მოახერხა.“

„ზიდანმა მატჩის შემდეგ მითხრა, რომ პენალტი განსახილველი საკითხია, თუმცა უნდა აღინიშნოს, რომ ერნანდესმა ვიდეოგამეორება მონიტორზე იხილა და არამგონია, არასწორი გადაწყვეტილება მიეღო.“

„ფრე არ არის კარგი შედეგი, მაგრამ ბრძოლა გრძელდება. ჩვენ ვეცდებით, რომ გამოტოვებული მატჩი წარმატებით ჩავატაროთ და მდევრებთან სხვაობა კიდევ უფრო გავზარდოთ.“

„ახლა „ბლანკოსი“ მესამე ადგილზეა, „ბარსელონასთან“ კი 3 ქულიანი სხვაობა გვაქვს. ყველაფერს გავაკეთებთ 6 ქულით წინ გასასვლელად.“

„ტურნირის 20 ქულიანი სხვაობით მოგებას ისედაც არ ვაპირებდით, ვინაიდან ეს რეალური ვერ იქნებოდა. ვიცით, რომ ჯერ კიდევ დიდი ბრძოლა გველის.“

„VAR სისტემამ ფეხბურთელი უფრო სანდო გახადა. მე ვერ შევალ კონკრეტიკაში, მაგრამ ამ სისტემამ ბევრი რამ გააუმჯობესა.“