ფერნანდო მორიენტესის აზრით, მადრიდის „რეალმა“ აქცენტი სალაჰისა და კილიან მბაპეს ტრანსფერზე უნდა გააკეთოს, ერლინგ ჰოლანდი კი მხოლოდ მომავლის პერსპექტივა უნდა იყოს.

„ჩემი აზრით, სალაჰისა და მბაპეს ტრანსფერი მადრიდის „რეალს“ სულ სხვა გუნდად აქცევს. წარმოდგენაც რთულია, რა დონის ფეხბურთს ითამაშებს ზიდანის გუნდი, როდესაც ნახევარდაცვაში კაზემირო-კროოსი-მოდრიჩის ტრიო იქნება, ხოლო თავდასხმაში მბაპე-ბენზემა-სალაჰის.“

„ჰოლანდი ძალიან მაღალი დონის ფორვარდია და უდიდესი პერსპექტივა აქვს, მაგრამ მას მომავლის ფორვარდად მივიჩნევ. ამ ეტაპზე ბენზემა „მერენგებისთვის“ იდეალური ვარიანტია. ფრანგის ასაკი ნამდვილად არ არის თვალშისაცემი. ფაქტი მხოლოდ ის არის, რომ კარიმს მინიმუმ 2-3 წელი შეეძლება უმაღლესი დონის ჩვენება.“

„სამეფო კლუბში შემადგენლობის ცვლილება გარდაუვალია, თუმცა ეს ეტაპობრივად უნდა მოხდეს. ჩემზე რომ იყოს დამოკიდებული, გუნდის გაძლიერებას წინა ხაზიდან დავიწყებდი.“