ხორხე ვალდანოს აზრით, მადრიდულ დერბის „რეალისთვის“ დიდი მნიშვნელობა აქვს. ზიზუს გუნდს ხელს მხოლოდ გამარჯვება აძლევს, სხვა შედეგი კი „ატლეტიკოს“ აქტივში ჩაიწერება.

„„ატლეტიკოსთვის“, როგორც მოგება, ასევე ფრე მისაღები შედეგი იქნება, „რეალს“ კი გამარჯვება სჭირდება. სხვა შემთხვევაში ზიდანის გუნდი ლა ლიგის მოგების შანსს დაკარგავს.“

„თუ „მეტროპოლიტანოზე“ სამეფო კლუბი ვერ გაიბრწყინებს, ზიზუს გუნდს მხოლოდ ჩემპიონთა ლიგაზე მოუწევს აქცენტის გაკეთება, ვინაიდან „როხიბლანკოსთან“ სხვაობის აღმოფხვრა ფაქტობრივად გამორიცხული იქნება.“

„„მერენგებს“ შემადგენლობის მხრივ პრობლემები აქვთ, მაგრამ გუნდის ძირითადი ბირთვი ზიზუს განკარგულებაშია, რომელმაც დავალებები სრულფასოვნად უნდა შეასრულოს და გამარჯვებას მიაღწიოს.“