ალფრედო რელანოს აზრით, მადრიდის „რეალი“ 7 მარტს სეზონის მატჩს ჩაატარებს, რომელში წაბორძიკების შემთხვევაშიც ლა ლიგას დაემშვიდობება.

„ზუსტად ვიცი, რომ ზინედინ ზიდანის გუნდში სერიოზული მობილიზება იქნება. მიმდინარე სეზონში „რეალმა“ არაერთხელ აჩვენა, რომ კონკრეტული მატჩებისთვის კარგად მომზადება შეუძლია. გადახედეთ ჩემპიონთა ლიგაზე „ინტერთან“ მატჩებს და ასევე იმ მნიშვნელოვან პაექრობებს, რომელიც ბევრ რამეს წყვეტდა.“

„რეალობაა ისაა, რომ სამეფო კლუბმა დაამარცხა „ბარსელონაც“ და „ატლეტიკოც“, ახლა კი მეორე წრის ჯერია. დიეგო სიმეონეს გუნდს იმდენად დიდი უპირატესობა აქვს, რომ ზიზუს მოგების გარდა არცერთი შედეგი არ დააკმაყოფილებს.“

„„ატლეტიკოს“ მოგების შემთხვევაში თამამად შეგვიძლია ვთქვა, რომ ტურნირი დიეგო სიმეონეს გუნდსა და „ბარსელონას“ შორის გათამაშდება, ხოლო თუ „რეალი“ მოიგებს, ლა ლიგაზე ყველაზე საინტერესო ფაზასი შევა.“

„მადრიდელთათვის სამწუხაროდ, ზიზუს განკარგულებაში სრული შემადგენლობა არ არის. მერწმუნეთ, აზარის, კარვახალისა და რამოსის გარეშე ასპარეზობა ნებისმიერ გუნდს გაუჭირდებოდა, თუმცა ეს არის მოცემულობა, რომელსაც ვერაფერი შეცვლის.“

„თუ „რეალს“ ჩემპიონობაზე აქვს პრეტენზია, დერბი უნდა მოიგოს, სხვა შემთხვევაში ეს გუნდი ფავორიტთა სიიდან ამოეწერება.“