მადრიდის "რეალისა" და ესპანეთის ნაკრების ცენტრალურმა მცველმა, რაულ ალბიოლმა, განაცხადა, რომ ვისენტე დელ ბოსკეს ფეხბურთელები არ არიან მსოფლიო ჩემპიონატის ფავორიტები და მათ ეს სტატუსი არაფერში სჭირდებათ.

"ჩვენ არ ვართ ფავორიტები, მაგრამ ბოლომდე ვიბრძოლებთ მუნდიალის გამარჯვებულის ტიტულის მოსაპოვებლად. სამხეთ აფრიკა ძალიან კარგად დახვდა ჩვენს ნაკრებს."

"მთავარმა მწვრთნელმა ყველას კარგად აგვიხსნა თუ რამხელა პასუხისმგებლობის წინაშე ვდგავართ, ჩვენ ჩამოვედით ევროპის ჩემპიონის სტატუსით, რომელიც აუცილებლად უნდა გავამართლოთ."

"თითოეული ფეხბურთელი გამარჯვებისთვის არის მოტივირებული და ეცდება ბოლომდე დაიხარჯოს. იმედი მაქვს იღბალიც ჩვენსკენ იქნება და ყველაფერი ისე დასრულდება, როგორც ესპანელ გულშემატკივრებს სურთ."