ლუის სუარესმა მოახლოვებულ მადრიდულ დერბიზე ისაუბრა. ურუგვაელი ფეხბურთელი ზიდანის გუნდთან შეხვედრას მოუთმენლად ელის და გამარჯვების იმედი აქვს.

„ეს არ არის რიგითი დერბი, ამ მატჩმა შესაძლოა ჩემპიონის ბედი გადაწყვიტოს, ამიტომ რევანშის დროა. პირობას გაძლევთ, რომ მადრიდის „რეალთან“ ჩვენი გუნდის ყველა ფეხბურთელი ბოლომდე დაიხარჯება და გამარჯვებას ეცდება.“

„ჩვენ გვაქვს საკმაოდ სოლიდური უპირატესობა, „მეტროპოლიტანოზე“ გამარჯვების შემთხვევაში კი სიტუაცია კიდევ უფრო კომფორტული გახდება.“

„ვიცით, რომ გამარჯვება შეგვიძლია, ჩვენ გვჯერა ჩვენი ძალების. დერბიში ფეხბურთელები სხვაგვარად ფასდებიან.“

„„ატლეტიკო“ ძალიან შემიყვარდა, აქ ადაპტაცია უმარტივესად გავიარე და მაღალი მიზნებისთვის ბრძოლას ვაგრძელებ.“