ესპანური გამოცემები სერხიო რამოსისა და ფლორენტინო პერესის შეთანხმების ახალ დეტალებზე ამახვილებენ ყურადღებას. კაპიტანი კონტრაქტის გახანგრძლივებასთან ძალიან ახლოს არის და ფინანსური საკითხებიც ცნობილია.

რამოსი დათანხმდა, რომ 2 წლიანი კონტრაქტის სანაცვლოდ პირველ წელს ხელფასი შეიმციროს. კერძოდ, უკანახაზელი 2021/22 წლების სეზონში ხელფასის სახით 10.8 მილიონ ევროს მიიღებს, ხოლო 2022/23 წლების სეზონში 12 მილიონს.

ამასთანავე ცნობილი ხდება, რომ 2023 წლის იანვრიდან სერხიოს სხვა კლუბებთან მოლაპარაკებების უფლება მიეცემა, თუმცა თუ სამეფო კლუბი საჭიროდ ჩათვლის, მას დამატებით 1 წლიან კონტრაქტს შესთავაზებს, ეს ყველაფერი ფეხბურთელის სათამაშო კონდიციასთან იქნება დაკავშირებული.