ვინისიუს ჟუნიორმა „სოსიედადთან“ მატჩის შემდეგ კომენტარი გააკეთა.

„ეს არის სიზმარი, რომელიც დიდხანს უნდა გაგრძელდეს. ამ ასაკში მსოფლიოს საუკეთესო კლუბის მაისურის მეასედ მორგება დიდი სიამაყე იყო. ვფიქრობ, რომ წინსვლა კიდევ გაგრძელდება.“

„საკმაოდ რთული მატჩი ჩავატარეთ, რომლის პირველ ტაიმშიც დიდი უპირატესობა გვქონდა, მაგრამ მეორე ნახევარში სურათი შეიცვალა და დავისაჯეთ კიდეც. ამ მატჩის მოგებას დიდი მნიშვნელობა ჰქონდა.“

„წინ მადრიდული დერბი გველის, სადაც ბოლომდე დავიხარჯებით. ფეხბურთელები ყველაფერს გააკეთებენ უმნიშვნელოვანეს დაპირისპირებაში 3 ქულის მოსაპოვებლად. ვიცით, რომ „როხიბლანკოსთან“ შეხვედრას სატურნირო თვალსაზრისით ძალიან დიდი მნიშვნელობა მიენიჭება.“