მერსისაიდულმა „ლივერპულმა“ მადრიდის „რეალს“ სატრანსფერო წინადადებით მიმართა. იურგენ კლოპი „ბლანკოსის“ ახალგაზრდა წინახაზელის, როდრიგო გოეშის შეძენით არის დაინტერესებული, მაგრამ უნდა აღინიშნოს, რომ „წითლებს“ გოეშის შეძენა მიზერულ თანხად სურთ.

მერსისაიდელები მზად არიან, როდრიგოს სანაცვლოდ 50 მილიონი ევრო გადაიხადონ, რაც ფლორენტინო პერესისთვის სასაცილო თანხაა.

ესპანური გამოცემები, ბრიტანელებზე დაყრდნობით იუწყებიან, რომ „ლივერპულის“ წარმომადგენლობა „ბლანკოსს“ უკვე დაუკავშირდა და ოფიციალური წინადადებითაც მიმართა, თუმცა „რეალმა“ მოლაპარაკებების ზაფხულისთვის გადაწევა ითხოვა.

ესპანელების ცნობით, „ბლანკოსი“ როდრიგოს გასხვისებაზე მხოლოდ იმ შემთხვევაში დაფიქრდება, თუ „ლივერპული“ ტრანსფერში მუჰამედ სალაჰს ჩართავს.