მანუელ პელეგრინი ჟურნალისტებს საინტერესო საკითხებზე ესაუბრა. ჩილელმა სპეციალისტმა მადრიდული კარიერა გაიხსენა.

„როდესაც „რეალში“ დავინიშნე, არაერთი მსოფლიო დონის ვარსკვლავი ვიყიდეთ, მაგრამ მე არ გახლდით ბედნიერი, რადგან პრეზიდენტი პერესისა და ჩემი ხედვები ერთმანეთისგან განსხვავდებოდა.“

„გავაძლიერეთ რამდენიმე პოზიცია, რომელიც გაძლიერებას არ საჭიროებდა, სამაგიეროდ ვერ გავამაგრეთ ის რგოლები, რომლის გამაგრებასაც აშკარად ვსაჭიროებდით.“

„ალბათ ბევრი მწვრთნელი იოცნებებდა იმ ფეხბურთელებზე, რომლებიც პერესმა მიყიდა, მაგრამ სრულ ბედნიერებას ვერ მივაღწიე, ვინაიდან ყველაფერი ისე არ ხდებოდა, როგორც მსურდა.“

„ჩვენი გზები მალევე გაიყო. სეზონი დასრულდა და მივხვდი, რომ მადრიდული კარიერა აღარ გაგრძელდებოდა, მაგრამ როდესაც ერთი კარი იხურება, მეორე იხსნება.“

„„მალაგაში“ გატარბული დრო ძალიან კარგად მახსოვს, მაშინ ჩვენ მაქსიმალური შედეგები მივიღეთ და ვთვლი, რომ დაუვიწყარი ეპოქა შევქმენით, გუნდი წარმატებით გამოვიდა ევროსარბიელზეც.“

„სანამ „სიტიში“ დავინიშნებოდი, ინგლისური გუნდი ხოსეპ გუარდიოლას კანდიდატურას განიხილავდა, მაგრამ საბოლოო ჯამში შეთანხმებას ვერ მიაღწია და მე დამიძახეს.“