ბრიტანული გამოცემების ცნობით, მადრიდის „რეალმა“ იანვრის სატრანსფერო ფანჯრის დროს „დორტმუნდს“ ჟეიდონ სანჩოს ტრანსფერთან დაკავშირებით მიმართა, მაგრამ უარი მიიღო, რადგან გერმანელებს თანხა ეცოტავათ.

ფლორენტინო პერესს კარგად მოეხსენება, რომ ბორუსიელებს სერიოზული ეკონომიკური კრიზისი აქვთ. მეტიც, თუ 2021 წლის ბოლომდე კლუბი 86 მილიონიან შემოსავალს ყოველგვარი გასავლის გარეშე არ დააფიქსირებს, სერიოზული პრობლემები შეექმნება.

მადრიდის „რეალმა“ „BVB“-ს ხელმძღვანელობას სანჩოს სანაცვლოდ 58 მილიონი ევრო შესთავაზა, რადგან თვლიდა, რომ აღნიშნული თანხა გერმანულ მხარეს შვებით ამოსუნთვის სასუალებას მისცემდა, მაგრამ ბუნდესგუნდი მყარ პოზიციაზე დადგა და მოთამაშე არ გაყიდა, რაც პირველ რიგში თანხის სიმცირიდან გამომდინარეობდა.

Daily Express-ის ცნობით, „ბლანკოსმა“ დამატებითი შეთავაზებებისგან თავი შეიკავა, მაგრამ ზაფხულში მოლაპარაკებების განახლებას გეგმავს, რომელიც არამხოლოდ სანჩოს, არამედ ერლინგ ჰოლანდსაც შეეხება.