მადრიდის „რეალის“ ფეხბურთელებმა კიდევ ერთი ვარჯიში გამართეს. ზინედინ ზიდანს ერთი ტრავმირებული ფეხბურთელი დაუბრუნდა, მარსელო ვიეირამ სრული დატვირთვა მიიღო.

დღევანდელ სესიაზე კიდევ უფრო მეტი დატვირთვა მიიღეს ვალვერდემ, ბენზემამ და აზარმა. ასევე ინტენსიურად ვარჯიშობენ მილიტაო და ოდრიოზოლა.

მარსელომ მთავარი მწვრთნელის ყველა დავალება შეასრულა, ის სათამაშოდაც მზად არის და დიდი ალბათობით განაცხადში მოხვდება.

სესიაზე ზინედინ ზინედინ ზიდანმა დიდი ყურადრება დაუთმო ტაქტიკურ მონახაზებს, ბურთის ფლობის კომპონენტს და კარში დარტყმებს.

ხვალ მადრიდელები კიდევ ერთ ვარჯიშს გამართავენ, ორშაბათს კი „სოსიედადს“ დაუპირისპირდებიან.