ტონი კროოსმა „ატალანტასთან“ 308-ე დაპირისპირება გამართა და ლეგენდარულ შტილიკეს გაუთანარბდა. სულ რაღაც 1 მატჩის შემდეგ ის გერმანელ ფეხბურთელებს შორის აბსოლუტური რეკორდმსმენი გახდება.

„მიხარია, რომ შტილიკეს მაჩვენებელი გავიმეორე. როდესაც „რეალში“ გადმოვედი, ჩემი გეგმა ბევრი ტიტულის მოგება იყო, მაგრამ ალბათ ვერ წარმოვიდგენდი, რომ 300-იან ნიშნულს გადავაჭარბებდი.“

„ახლა ჩემი ამბიციები კიდევ უფრო დიდია. დარწმუნებული ვარ და მჯერა, რომ „რეალის“ მაისურით 400-ზე მეტი მატჩის ჩატარებას შევძლებ, ეს ჩემთვის დიდი გამოწვევაა. “

„ჩემპიონთა ლიგაზე არცერთი შეხვედრა არ არის მარტივი. ჩვენ დიდი ნაბიჯი გადავდგით 1/4 ფინალისკენ, მაგრამ დასრულებული ნამდვილად არაფერია, ყველაფერს მადრიდში გასამართი შეხვედრა გადაწყვეტს.“

„ტრავმირებული ფეხბურთელების დაბრუნებას უდიდესი მნიშვნელობა მიენიჭება, ჩვენ ამ ეტაპზე ფორს-მაჟორულ გარემოში გავდივართ მოედანზე, მაგრამ მთავარი ის შედეგებია, რომელსაც ვაჩვენებთ.“