ესპანური გამოცემები საკმაოდ საინტერესო ინფორმაციებს ავრცელებენ, რომელიც მადრიდის „რეალის“ ფინანსურ სარგებელს ეხება.

არაერთი ანალიტიკოსი და ექსპერტი იუწყება, რომ კილიან მბაპესა და ერლინგ ჰოლანდის დამატება ფლორენტინო პერესს არნახულ შემოსავალს მოუტანს.

ესპანელები იუწყებიან, რომ მბაპე „ბლანკოსის“ „10“-იანი გახდება, ჰოლანდი კი ბენზემას კუთვნილ „9“ ნომერს მოირგებს, თუმცა ეჭვი არავის ეპარება, რომ ფრანგი ნორვეგიელს ნომერს არ დაუთმობს და ეს დროში გაწერილი პროცესი იქნება.

თუ გავითვალისწინებთ იმ გარემოებას, რომ კრიშტიანო რონალდუს მაისურების გაყიდვით, მადრიდულმა გუნდმა პორტუგალიელ ლეგენდაში გადახდილი თანხა 7 თვეში „ამოიღო“, თამამად შეიძლება ითქვას, რომ ანალოგიური პოპულარობით ისარგებლებს მბაპესა და ჰოლანდის მაისურები.

წინასწარი პროგნოზებით, პერესს გადახდილი ასტრონომიული თანხების უკან დაბრუნება დაახლოებით 18-20 თვეში შეეძლება, რაც თავისთავად ძალიან პატარა დროა.