ფრანგული გამოცემების ცნობით, ლუკა მოდრიჩი „პსჟ“-ს რადარზე გამოჩნდა. მაურისიო პოჩეტინო ხორვატი ფეხბურთელისა და მადრიდის „რეალის“ ურთიერთობას ყურადღებით აკვირდება.

თუ ნახევარმცველი „მერენგებთან“ კონტრაქტს არ გაახანგრძლივებს, ფრანგული „პსჟ“ მზად არის, ოქროს ბურთის 2018 წლის გამარჯვებულს 2 წლიანი კონტრაქტი შესთავაზოს, სადაც მისი წლიურად ანაზღაურება 7 მილიონი ევრო იქნება.

აღნიშნული წინადადება ლუკიტასთვის საინტერესო უნდა იყოს, ვინაიდან მისი ასაკის ფეხბურთელისთვის 2 წლიანი ხელშეკრულება ნამდვილად სტაბილურია.

თუ „ბლანკოსთან“ საბოლოო შეთანხმება ვერ შედგება, მოდრიჩის საფრანგეთში გადანაცვლების შანსი გაიზრდება.