კილიან მბაპეს კიდევ ერთხელ მოუწევს შესაძლებლობების დამტკიცება. ნეიმარის ტრავმის პირობებში ახალგაზრდა ფრანგი „ბარსელონას“ წინააღმდეგ ლიდერობას იტვირთებს საკუთარ თავზე.

მბაპემ იცის, რომ მადრიდის „რეალი“ მის თამაშს „ბარსელონას“ წინააღმდეგ ძალიან სერიოზულად დააკვირდება. თუ კილიანი გაიბრწინებს, ფლორენტინო პერესს კიდევ ერთხელ დაარწმუნებს იმაში, რომ 2021 წლის ზაფხულში მისი ყიდვა აუცილებელია.

ახლა მაურისიო პოჩეტინოს გუნდი მთლიანად მბაპეზეა დამოკიდებული, კილიანს კი აქვს შანსი, რომ ყველაფერი საკუთარ თავზე მოირგოს და კატალონიელთა დამარცხებაში დიდი წვლილი შეიტანოს.