დანი კარვახალის ტრავმა სერიოზული გამოდგა. ესპანელი ფეხბურთელი სამეფო კლუბის რამდენიმე ძალიან მნიშვნელოვან მატჩს გამოტოვებს. აღსანიშნავია, რომ ესპანელი განაპირა მცველი არ იქნება ჩემპიონთა ლიგის 1/8 ფინალის დაპირისპირებაში, როგორც მადრიდში, ასევე იტალიაში.

პირველი მატჩი, რომელსაც დანი გამოტოვებს „ვალიადოლიდთან“ შედგება, ეს შეხვედრა 20 თებერვლით არის დათარიღებული, 24-ში მადრიდელთა მეტოქე ბერგამოს „ატალანტა“ იქნება.

ესპანელი ასევე ვერ ითამაშებს 1 და 7 მარტს „სოსიედადთან“ და „ატლეტიკოსთან“. ის გუნდს ასევე ვერ დაეხმარება 13 მარტს „ელჩესთან“ და 16 მარტს ისევ „ატალანტასთან“.

საუკეთესო შემთხვევასი დანი 20-21 მარტს უნდა დაბრუნდეს, როდესაც „ბლანკოსის“ მეტოქე „სელტა“ იქნება. თუ მოთამაშე ვიგოელებთან ვერ ითამაშებს, ის „ეიბარის“ წინააღმდეგ დაბრუნდება. აღნიშნული მატჩი 3 ან 4 აპრილს შედგება.