ისკო ალარკონს „სევილიაში“ თამაშის პერსპექტივა ხიბლავს, „რეალს“ კი ლოპეტეგის შეგირდის, უკანახაზელი კუნდეს დამატება სურს.

ესპანური გამოცემების ცნობით, ლოპეტეგიმ მადრიდის „რეალს“ ისკოს ტრანსფერზე იანვარშიც მიმართა, მაგრამ შეთანხმება ვერ შედგა.

ახლა ალარკონსა და ზიზუს შორის ურთიერთობა უკიდურესად დაიძაბა და პერესიც მიხვდა, რომ ისკოს გაშვება საუკეთესო გამოსავალი იქნება.

Defensacentral-ის ინფორმაციით, მხარეები ისკოსა და კუნდეს გაცვლის საკითხს განიხილავენ, მაგრამ არ არის გამორიცხული, „ბლანკოსს“ გარკვეული თანხის დამატება მოუხდეს.