ჩოლო სიმეონემ „სელტასთან“ მატჩის შემდეგ ჟურნალისტებთან ისაუბრა...

„დიახ, ჩვენ ვერ მოვიგეთ, რაც ძალიან გულდასაწყვეტია, მაგრამ ეს არაფერს ცვლის. მეტოქეებთან არნახული უპირატესობა გვაქვს, რომელსაც აუცილებლად გამოვიყენებთ და საბოლოო ჯამში ჩემპიონობას ვიზეიმებთ.“

„ბევრი დრო არ გვაქვს, ამიტომ დროულად დავიწყებთ მომდევნო ტურისთვის მზადებას, სადაც გამარჯვებას დიდ მნიშვნელობას მივანიჭებთ.“

„ჩვენ ფურცელზეც ფავორიტები ვართ და რეალობაშიც. „ატლეტიკომ“ აუცილებლად უნდა მოიგოს ლა ლიგა, ამისთვის ყველა ფეხბურთელი ბოლომდე იბრძოლებს.“

„ლუის სუარესის შეძენით ძალიან სწორი და დროული ნაბიჯი გადავდგით. ურუგვაელი ფეხბურთელი ჩვენი გუნდის უდავო ლიდერად და მთავარ დამრტყმელ ძალად ჩამოყალიბდა. არ მიკვირს, რომ წინახაზელს ასეთი საოცარი შედეგები აქვს, ის საუკეთესო დამრტყმელია.“