ზიდანი:„„რეალი“ ლა ლიგის მოგებისთვის ბრძოლას აგრძელებს“
ზინედინ ზიდანმა „უესკასთან“ მატჩის შემდეგ პრესკონფერენცია გამართა.
„ჩვენ გამოვავლინეთ მებრძოლი ხასიათი და საბოლოო ჯამში თამაშის შემოტრიალება შევძელით, რაც ძალიან მნიშვნელოვანი იყო. ბოლოდროინდელი წარუმატებლობების ფონზე მნიშვნელოვანი 3 ქულა ჩავიწერეთ აქტივში.“
„სერხიო რამოსთან დაკავშირებით ოპერაცია გარდაუვალი აღმოჩნდა. კაპიტანმა სიმშვიდე უნდა შეინარჩუნოს და სრულფასოვანი აღდგენითი კურსი გაიაროს. კაპიტანი მალე დაიწყებს რეაბილიტაციას.“
„მატჩისწინა პრესკონფერენციაზე გაკეთებულ განცხადებებს ახლა აღარ შევაფასებ, ახლა მხოლოდ „უესკასთან“ ჩატარებული თამაშის შესახებ მინდა ვისაუბრო.“
„პირველი ტაიმი არ იყო ისეთი, როგორიც ჩაფიქრებული მქონდა, მაგრამ მეორე ნახევარში გუნდმა ყველაფერი შეცვალა და მუდმივად შეტევაზე ფიქრობდა. სწორედ მეორე 45 წუთში გადაწყდა ყველაფერი.“
„ასენსიო სწორ გზას ადგას. მარკოს კიდევ შეუძლია მომატება და პროგრესიც სახეზე აქვს.“
„ჩვენ გვჯერა მიზნების და ზუსტად ვიცით, როგორ მივიღოთ გამოწვევები სათანადოდ.“
„თანამდებობა მუდმივი არასდროსაა. კიდევ ერთხელ გეუბნებით, რომ მაშინ წავალ, როდესაც წინსვლის პერსპექტივა არ იარსებებს.“
- 6 თებერვალი 2021
- 3 270
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
