ექს მადრიდისტა რობინიოს აზრით, „რეალს“ არც ისე კარგი ეპოქა უდგას, მაგრამ გუნდის ძირეული ცვლილება საჭირო არ არის.

„როდესაც გუნდში კროოსი, მოდრიჩი და კაზემირო გყავს, შეგიძლია მშვიდად იყო. ვთვლი, რომ „რეალში“ ძირეული ცვლილებები საჭირო არ არის.“

„ამ ეტაპზე სამეფო კლუბს მხოლოდ შეტევის ხაზი აქვს გასაძლიერებელი. თუ ფლორენტინო პერესი კილიან მბაპეს დამატებას შეძლებს, ყველა პრობლემა მოიხსნება და მადრიდული გრანდი ჩემპიონთა ლიგის მოგებას ისევ შეძლებს.“

„ჩავარდნა ყველა გუნდს აქვს. ის, რაც „რეალმა“ გააკეთა, ისედაც შეუძლებელი იყო, ახლა ამ გუნდს მცირე წარუმატებლობები ეპატიება. არ დაგავიწყდეთ, რომ შარშან კოლექტივმა ლა ლიგის თასი აღმართა.“