მას შემდეგ, რაც სერხიო რეგილონის „რეალში“ დაბრუნების შესახებ რამდენიმე ინფორმაცია გავრცელდა, ჟოზე მოურინიომ „ტოტენჰემის“ ხელმძღვანელობას მოუწოდა, რომ ყველაფერი იღონოს ფეხბურთელის დასატოვებლად.

„განსაკუთრებულის“ აზრით, რეგილონი ერთნაირად ეფექტურია, როგორც დაცვაში, ასევე შეტევაში და მისი დათმობა ძალიან ცუდ შედეგებს მოიტანს.

ტრავმის გამო რეგილონმა რამდენიმე მატჩი გამოტოვა, სადაც ჟოზეს გუნდს ძალიან ცუდი შედეგები ჰქონდა. ეს კი ნამდვილად არის კიდევ ერთი დასტური იმისა, რომ ესპანელი ფეხბურთელი ლონდონურ კლუბს ძალიან სჭირდება.

თავის მხრივ, ფლორენტინო პერესი სერხიოს დაბრუნებაზე სერიოზულად ფიქრობს, თუმცა დავიდ ალაბას დამატების შემთხვევაში, რეგილონის საკითხი მეორე პლანზე გადავა.