კარიმ ბენზემას თქმით, მას მომავალთან დაკავშირებით გადაწყვეტილება უკვე მიღებული აქვს.

„მე ვესაუბრე, როგორც ზიდანს, ასევე ფლორენტინო პერესს და უკვე ვიცი, როგორ განვითარდება ჩემი მომავალი. ამ ეტაპზე სხვა კომენტარის გაკეთებას არ ვაპირებ, ვინაიდან ბევრი განმაპირობებელი ფაქტი არსებობს“-აცხადებს ბენზემა.

ვრცელდება ინფორმაცია, რომლის მიხედვითაც, ფრანგი ფორვარდი „რეალს“ ხელფასის 15%-იან შემცირებაზე დათანხმდა და ის ხელშეკრულებას 2023 წლის 30 ივნისამდე გაახანგრძლივებს, რის შემდეგაც „მერენგების“ რიგებს დატოვებს და დიდი ალბათობით „ლიონში“ განაგრძობს კარიერას.