ედენ აზარი კვლავ ტრავმირებულია. ბელგიელი ფეხბურთელის ექიმებს პესიმისტური განწყობა აქვთ.

უკვე სერიოზული ეჭვი არსებობს იმისა, რომ აზარის დაზიანება ქრონიკულშია გადაზრდილი და მისი სრული რეაბილიტაცია ფეხბურთის თამაშის კვალდაკვალ ვერ მოხერხდება.

თუ ვარაუდები გამართლდება, მედიკოსთა ჯგუფი ედენს კარიერის გაგრძელების რეკომენდაციას არ მისცემს, ვინაიდან ის დატვირთვის მიღებისთანავე რეციდივს განიცდის.

ესპანური გამოცემების ცნობით, ახლანდელი ტრავმის რეაბილიტაციის შემდეგ აზართან დაკავშირებით კონსილიუმი შედგება, არ არის გამორიცხული, „რეალმა“ ამერიკის შეერთებული შტატებიდან ექიმების მოწვევა გადაწყვიტოს.